كيف تكتب الأبوذية والعتابا

كيف تكتب الأبوذية والعتابا
________________________________________
الموجز لطريقة كتابة الأبوذية راجياً الإفادة منها لكل من يعشق الأبوذية
أما بعد :
1ً : تعريف الأبوذية :
هي نوع من أنواع الشعر الشعبي العراقي القديم والذي يسمح للشاعر بالدخول إلى فضاء التعبير الواسع
وأشهر أنواع الأبوذية تتألف من ثلاث أبياتٍ موحدة القافية توحيداً كلميّاً لفظيّاً حيث تكون الكلمة الأخيرة
في البيت الأول هي نفسها في الثاني والثالث باختلاف معانيهن أما البيت الرابع فتكون نهايته بحرفي
[ ية ] .
2ً : بحر الأبوذية :
تكتب الأبوذية على البحر الوافر وتفعيلته هي كالتالي :
أ: التفعيلة الأساسية
مَـفَـاْ عَـلَـتَـنْ مَـفَـاْ عَـلَـتَـنْ فَـعُـوْلُـنْ

ملاحظة : في هذه التفعيلة يوجد ثلاث أحرف متحركة متتالية وهذا ما لا يوجد لفظاً في اللهجات
الفراتية وربما غيرها أيضاً .
ب: جواز التفعيلة
مَـفَـاْ عِـيْـلُـنْ مَـفَـاْ عِـيْـلُـنْ فَـعَـوْلُـنْ

وهذه هي التفعيلة التي يجب على من يريد كتابة الأبوذية الموزونة أن يتقيد بها .
مثال :
أنشدك عن شريك العقل وين صار
وما تدري عليه شكثر ون صار
لون لي بالعشيرة ربع وانصار
عيل كان ادعوا ويات بيّة
وإليكم تقطيع البيت الأول على التفعيلة الثانية :
أ : متحرك...........مَــ
نـ : متحرك..........ــفَـ
ـشـ : ساكن..........ـاْ
ـد : متحرك.........عِــ
ك : ساكن..........ــيْـ
عـ : متحرك........ــلُـ
ـن : ساكن..........ــنْ
............................
شـ : متحرك...........مَــ
ـر : متحرك...........ــفَـ
يـ : ساكن...............ـاْ
ـك : متحرك...........عِــ
ا : لا تلفظ
لـ : ساكن..............ــيْـ
ـعـ : متحرك...........ــلُـ
ـقـ: ساكن..............ــنْ
...............................
ـل : متحرك............فَــ
و : متحرك...........ــعُـ
يـ : لا يلفظ لتوحيد القافية اللفظيّة
ـن : ساكن..............ــوْ
صـ : متحرك...........ــلُـ
ـا : لا يلفظ لتوحيد القافية اللفظيّة
ر : ساكن...............ــنْ
....................................
وهكذا يكون وزن سائر البيت وغيره من الأبيات .
ملاحظة هامة جداً جداً :
إن ما قرأته أمامك ينطبق تماماً على شعر العتابا إلا أن البيت الرابع في العتابا ينتهي
بـ [ حرفي ـاب أو حرف ــا ]





الابوذية ضرب من ضروب الشعر الشعبي مؤلف من بيتين بأربعة اشطر ثلاثة منها في جناس واحد يتحد في اللفظ ويختلف في المعنى وينتهي الشطر الرابع منه بحرفي ( الياء والهاء ) أما في حالة الغناء فله اطوار عديدة والبيت الواحد من الابوذية يستطيع المطرب ان يؤديه على أي طور يشاء وللاطوار انغامها ايضاً .
فمن الاطوار ما ينسحب على نغم البيات وما ينسحب على السيكاه او الحجاز او الصبا وغيرها من الانغام .
والابوذية واحد في وزنه وتركيبه وان اختلفت مفرداته بين حوار المدينة وحوار الريف العامي ، أي لهجة المدينة ولهجة الريف ،
والابوذية هو من بحر الوافر كما ورد في عروض العر . . . للخليل بن احمد الفراهيدي ( مفاعلتن مفاعلتن فعول ) .
إن كلمة الابوذية جاءت من معنى الاذيه . وتدل تركيبة الابوذيه من حيث الوزن الذي هو ( الوافر ) او حيث الجناس الثلاثي والقفله في الشطر الرابع التي تنتهي دائماً بحرفي الياء والهاء والشيء الآخر الذي يتميز به (الابوذيه) عن سواه من انماط الشعر الاخر هو انه لاينظم الا على بحر واحد وهو بحر الوافر . ومن الادله التي تثبت عراقيه هذا الموروث الشعبي :
1- ان تركيبة الابوذيه لم يطابقها في الفارسيه نظماً مشابهاً له لا من حيث المعنى ولا من حيث العروض .
2- ان الابوذيه فن من الفنون الشعبية وترجمة لاحاسيس ومشاعر انسانية عاشها الانسان العراقي خلال حقب متراكمه من الزمن . فراح يجسد ويترجم معاناته بلهجته الخاصة وحسب الحوار اليومي الذي يدور في منطقته وكثيره هي اللهجات المحليه في المدينه والريف والباديه وتختلف مفردات حوارها من منطقه الى اخرى . فأبن الريف قد ترجم معاناته بالابوذيه وغيره من الوان الغناء الريفي ، وابن الباديه ترجم احاسيسه (بالحدي والسامري والهجيني والمسحوب وغيرها ... ) .
والانباط ترجموا معاناتهم بالشعر النبطي والذي مازال منتشراً في الجزيره العربيه .
وقد عرفنا أن سبب تسميته بـ (الأبوذية) ، وهي كلمة مركبة من (أبو) أي صاحب، ومن (ذية) وهي مخففة (أذية فيكون معناه (صاحب الأذية) وهذا التعليل قريب من الصواب لأن ناظمه أو قارءه لا يمكن أن يجيده إلا إذا كان مصاباً بحادثة سواء كانت نفسية أو غيرها مما تستوجب ألمه فيندفع بواسطته للإعراب عما يدور في خلده ولينفس كربه بواسطته.
وقد استخدمت فيه سائر أغراض الشعر وهي 1- العتاب 2- التوجع 3- الحماس 4- المديح 5- الرثاء 6- الغزل 7- الهجاء 8- المراسلات 9- السياسة 10- الاجتماعيات 11- الألغاز 12- الفلسفة .
وأول من قالها و وزنها هو حسين العبادي . الذي خاطب به زوجته فقال:
ترف بهواك من مثلي وله دوم
بثناياها الخلل بين ولهدوم
أمل الفرس لو كبرت ولهدوم
شبصرك برذعه النامت عليه
فأحست زوجته قصده فأجابته:
جد بهواك لليهواك وعره
وعمن جه عشرتي وياك وعره
بعد ماني معك بشظاظ وعره
الكل منه انشحن وانكر خويه

ولم يعرف عن هذا النوع انه ادخل عليه التطور حتى عام 1320هـ كما ادخل على غيرة من أنواع الفنون الاخرى كالموال والموشح والميمر وأمثاله ، ولكن أدخل الشاعر المعروف الشيخ حسين الكربلائي المتوفي 1328هـ جعل منه خمسة أشطر واليك نموذجاً منه :
الألف لف الذوايب من نسلها
البيه بادت ضلوعي من نسلها
التيه تاهت افكاري من نسلها
التيه ثاري الحواري من نسلها
الجيم وجنة الفردوس ليه

نماذج من شعر الابوذية
... ولم تعد ..
لاجت ، تعذبت
... ولجأت حمامة الفرت من ايدي ولاجت
وعليها الروح تتعـذب ولاجت
من امس لليوم لاحطت ولاجت
ولا الها جدم بــرض الوطيه

***

الثريا
تنضح بثراء ابكثره
غنيه
مصابيح الزينه
اثارية حبيبي شيوصلك وانـت ثريه
نشف دمعك وانه دموعي ثريه
رغم عسري تظل نفسي ثريه
بظلام الليل اوجن لـك ثريه
ولن كلبك بلا رحــمه ثريه

***

________________________________________
المشط في الابوذيه
اما بالنسبة للمشط في صنعة الابوذيه فهي مجموعة من الابوذيات متصلة الحلقات ومتداخلة وكل ثلاثة اشطر تليها ثلاثة اشطر اخرى اما الشطر الرابع المكمل للبيت الواحد من الابوذيه فيأتي في نهاية المشط المؤلف من اربعة او خمسة ابيات وحسب قدرة الشاعر في المواصلة ، وبالامكان جعل المشط من عشرين بيت واكثر . وتعبر هذه الطريقه حديثه .

الدهر ياصاح بالفرقه ولانه
ولانوبه انكسر كلـبه ولانه
لا انت عرفت الحـب ولانه
نسينا الشوك واخلفـنا وعدنا
وعلى الهجران ردينا وعدن
هذا من الوكت والحب وعدنا
يفر بيه الوكت نوبه وفر بيه
ومن ثلج العمر دربي وفر بيه
اشرد وين انا بكلبي وفر بيه
بدرب مسدود ومتيه محـله
ادموعي جم ذنب كلبك محله
بعد طير بضباب ابدا محـله
ولا اظن بعد نتلاكه سـويه

________________________________________

الابوذيه المدورة
بيت الابوذيه المدورة لا يختلف عن الابوذيه المتعارف عليه والمتداول ، فالبيت الثالث تأتي مبتورة فيكملها الشطر الرابع الاخيرأي انه الشطر الثالث لم يعطنا المعنى الكافي ولم يوضح لنا ما لشئ الذي جاء .. لكن الشطر الاخير تدارك الامر واكمل المعنى لهذا يسمونه المدور . وهذا مثال عليه :
التاج
جاءني الآن
جنى الان بتاج الفرح ولــفي توجاني
وحسن ردلي شبابي توجاني
من اثمار المحــبة توجاني
كلبي الشبع ضيم مـن الاذية


ومن الابوذيات ايضاً ما يقال في ( التوجع ) .
للشاعر جودت التميمي
يكاس العمر ماظــلت وشل بيك
ويجرحي لشوكت تنزف وشل بيك
تكلي ليش متمرمـــر وشل بيك
تهت منهو اليـــــدليني عليه


وفي ( الصبر والرجاء )
للشاعر عبد الامير طويرجاوي
همي من كـــثر يذبل وراها
ونار الكلب مــا يخمد وراها
كل شده يـــهل وادم وراها
فرج ، والفرج من رب البريه


وفي ( الاجتماعيات )
للشاعر عباس الخياط
الصديق اللي نشوفه نقي ونظيف
نود كل يوم نبدي اعليه ونضيف
على طيبه نجمل طيب ونضيف
بكثر معنى الحـروف الابجديه


________________________________________
الابتكارات في بناء الابوذيه
المتفق عليه ان الابوذيه التقليدي يتألف من اربه اشطر ثلاثه منها في قافيه واحد متشابهه في اللفظ ومختلفه في المعني اي تعتمد على الجناس ، لكن هاجس البحث عن الجديد والنزوع الى الابتكار ، دفعت البعض من الشعراء الى كسر الطوق التقليدي في الكثير من القوالب الشعريه ومنها الابوذيه . فكتبه البعض من اربعه شطور متجانسه كلها ، اي من جناس واحد .. .
وهذا النموذج الابوذيه الرباعي:

افجه
مسافه من الفيافي
ظل

اريد اعبر بحــر دمعي وفيه
وعليج اكطع الــف فيه وفيه
ابشمس حبج انه معذب وفيه
وما عندج وفه واسـمج وفيه

________________________________________الابوذيه الخماسيه في التجانس
كما في الابوذيه الثانيه من هذه الصفحه ( حبيبي شيوصلك وانت ثريه). ارجع للأعلى .

ويعتبر الشاعر الشيخ حسين بن علي الكربلائي هو اول من برع في اضافات الشطور المضافه الى الابوذيه كالتخميس في شطورها او المواصله في نظم العديد من الشطور في نفس البحر وذلك لكي يضفي على مجالس الطرب مزيداً من المتعه في الغناء .
________________________________________
الابوذيه المنثوره
يسميها البعض (المطشر) وهي تسميه شعبيه تعني (المنثور) ويمكن غناء المنثور في جميع الاطوار وهو لايختلف عن الابوذيه التقليديه الا باضافه بعض التفعيلات الى الشطر الثالث بما يشبه طريقه السجع لاضفاء شيء من جماليه الصنعه الشعريه والتطريبيه ممعاً ، وهذه الطريقه هي من المبتكرات الحديثه وهذا نموذج :

عليك اهواي ونـينه ولعنه
شجاك انسيت يمدلل ولعنه
متى اتواصل
كلب ذابل
جسد ناحل
دمع سايل
حجي الباطل
رمح شاتل
على العاذل
اريد ادعي بكلب ذايب ولعنه
وشاك وغير اطـباعك عليه

________________________________________
اول من نظم الابوذيه المنبريه
الشعراء عبدالامير الفتلاوي وعبود غفله وحسين الكربلائي اول من نظموا الابوذيه المنبريه او ما يسمى بالحسيني وبطريقه النعي ، وهنا الشاغر حسين العبادي يطرح بعض الاسشله الشعريه والالغاز :

شنهوا اللي على المخلوك داره
وشنهوا العاف بزره وسكن داره
وشنهوا المايعيش بغــير داره
وشنهوا الما ينـــام الا بتحيه

اما الجواب فمن الشاعر الملا حسين الكربلائي بعد حقبه طويله من الزمن على رحيل الشاعر حسين العبادي :

الكمر يلي على المـخلوك داره
الزرافه العاف بزره وسكن داره
السمج الما يعيش بغــير داره
الفيل الما ينــــام الا بتحيه
هاك استكانة جاي أشرب عوافــي
أو دزيته لك مخصوص يامايه صافي


رش الدرب تيــزاب حافي أعتـني لـك
جا شـلي بالرجليـن الما تجي لــــك

لو ترش مو تيــزاب لو تزرع ألغــام
اللحم خلـه إيروح أوصلـــك إعظـام

كل ما يجي الليل أذكر وفــــاكم
واذكر محاشي الطيب وابجي أبرهاكم


ويا النجم سهران وايدي أعلى خــدي
الليل أوظلام الليل شو كلها ضـــدي


وحدي ابنص الليل بس حيرتي أوياي
أبجي أعلى وقت الراح واتنطر الجاي


إشما تقول الناس عندي أنته لول
سو كلشي بالدلال يالحلو مخـول


يالتون تالي الليل سمعني حسك
لولا القلت والقال لعبر وونسك


شحجي وتريد الناس من عندي أحجـي
دمعتي إبطرف العين بس أحجي أبجـي

للخوه ماقضيت شي ماقضيته
حتى الصخر ياناس وتوسديته


انت العطش والماي وانت المشوفـه
ورسمش وحق عيناش بالكاس اشوفه

أرد انشدك وارجوك صارحني ياهواي
تذكرني لوغصيت من تشرب المــاي

نارك يخايب ماي مومثل نـــاري
اومن يطري بيا الشوق يحترق جاري

هم حلو .. وهم إزغيــر .. هم أزرك عيون
بس بيه طبع مو زين من يوعد إيخــــون

بالك تقول الاه ياخويا بـــالك
كل التقوله ايصير روحي ابدالك

مبخوت أضل للشيب يافلان أذكـرك
أوينكرني نور العين من كون أنكرك

سبحانه من سـواك نص وجهك إعيــون
إزغيــر سبيــت الناس من تكبر شلون

بيدي أوقرضها الفار فجت عباتي
كل هذا ماطخيت وامشي ابرهاتي

أتمنى كون أيصير لحدي أويا لحدك
أو من يطلع الدفان أقعد وقعـــدك

بيدك ضيعت ديك الليـــالي
وبلحظه ما أجى أبعينك دلالي

شقيت ثوبي أعليك وصلته للنــص
جاوين قلبك أوياي صاير مثل جص

لاتهتم على الراح وي همك الراح
والعالي مو بالطول بالصبر ينلاح

اشمالك يبعد الروح لونك تغــير
عندي خوات أهواي طب أوتخير

يسألني البطران حالك إشلونــه
الغاضب الله إعليه هم ينشدوونـه

جاشلي بالخوان والماينفعـــــون
عود أمن اموت أيجون ويا اليشيعون

عبالي طيب زاد واعطيتك اعيون
تالي توج النار ويا اليكرهـــون

هاك أبره , هاك الخيط خويـه أرد أكلفـك
أمسرد الدلال شــله إعلى عـرفــــك

هـاك أبرتك. .و الخيـط خويــه إمش عنــي
لو بـيـــه أشل إجروح .. جان أشل ذنــي

علمني عالنسيان ارد انسى ضيمـــــك
وي غيري قمره اتصير بس حصتي ضيمك

سبحان امن خلاك تقسي ابغرامك
جانك اتداوي اجروح رقت كلامك

اوقف يبعد الروح اوياك الحســـاب
سَافر أو جرحي اينوح ليهسى ماطاب

هامسى أوها مصباح باجر يشيلـون
اورجليا شالت طيب من دمع العيون

الدنيا بس وياي شـدت عـــداوه
ولا واحد إمن الناس لجروحي داوه

ارد انشد الصباغ هم يصبغ اقــلوب
اصبغ دليلي اعليك واحزن فرد نوب

حـط باللبن تيــزاب مجبـور أشربـه
بس لا أشوفك يوم تمشي وي غربـــه

سباحه لك بالروح خضرى أوطريه
تسقيها من تشتاق وتمر علــــيه

ياماخذين الولف اوليفي وريد أويـاه
مانام لليل الشتى أومقدر على فرقاه

الدنيا ماتسواش لاتصفن إلهـا
عالطيب والمزيون يكثر حملها

يسألني البطران ليش وجهك اصفر
مايدري على المحبوب قلبي تفطر

يسألني البطران ليش راسك اقرع
مايدري على الحلوين شعري تشلع

يسألني البطران تشرب عرق ليش
هم سقم هم فراق هم لوعة الجيش

يسألني البطران اعربلي كان
حسباله مثل العام عقلي بمكانة
الدنيا بس أوياي صارت حريصـه
أو من سلة المكتوم تطلع لي شيصه

همي الليالي اتعود واتعاتب أوياك
احجايه للشمات خلاني فرقــاك

سـلـم ولَو بالعين تكفي الإشــــاره
روحي إبتلت بهواك .. سـويلي جـاره

أرد اسأل العراف واهل القوافـي
ليش الحجاب إيلوق للوجه صافي

شفت الضوه إمن إبعـيد كًًلت إحتركًًنه
لمـن وصلت البيت لن ولفي عدنــه

شمـاتي مو شـمات شمـاتي شمات
بالكًًبر ويسألـون حي بعده لو مـات

شمـاتي مو شمـات شمــاتي إخـوتي
حتى أمي يا هالناس تدعي إعله موتـي

شماتي موشمات شماتي خوتـي
حته امي ياهل ناس تتمنه موتي

شماتي موشمات شماتي اشرار
بالكبر ويقولون ياربي بالنـار

شماتي موشمات شماتي ورطــه
نصهم امن واجرام والباقي شرطه

شمـاتي مو شمـات شماتي تسعه
والعاشر إزغيرون يأشر باصبعـه

حطيتك بسرداب وفوقه متر صـب
اصبح الواشي وياك من ياكتر طب

وينه اليخَيـطْ العين ويفكني منهـــا
كل ما تصد للدار يكثر حزنــــها

لو غبت عني الروح احسبها شده
واحرق ابدمع العين حتى المخده

بالك تمر بالدار عنها أشمر ابعــيد
دار العزيز اهواي نوح أوبجي اتريد

عمده ارد امر بالدار والنوح ازيده
واسمع صداها يقول راح التريده

عمده ارد امر بالدار واشبع مغمه
والمعتني الطيبات لوطاح شيهمه

غصبن عليها الروح جابتني اشوفك
كفر عليها للوم بلجن تعوفــــك

ظلمى اوذرب عاثور لليلة شتى أوعت
روحي اشتهت ملقاه عتتني لك عــت

أهلا وسهلا بيــك وكثــر بالوياك
الكَلب قبل العين فز وتلـكَـــــاك

اقدر اسكت الناس وامك واخوتك
قلي شيسكت اهواك لودره ابموتك

ياعازة الخوان عازتها عــازه
والماوراها صياح وحشه الجنازه


انشدني عالحال حالي أعلى حـــــاله
سمجه أوشحيح الماي وبظهري فاله

حسـره إلك بالدلال ظـلـت لما أمـــــــــــــوت
ماتدري حقها الناس إصوابي بسكـــــــــــوت

اتعمن والعباس بسجن يالعيون
ابجن وهما هناه لوشالو اشلون

ياربي سترك رفت العين
واحبابي مو يمي بعيدين

كـلبي أرد أكـصه إبموس وأكوي إبمكانه
علمني إعله درووب كلهن مهـــــــــــانه

كلبي أرد أكـصه إبموس وبفاس أكطعه
خلصها بالسختــات مالحك ربعــــــــــه

القلب قال أحاه ! قتله وجعــــــــــتين
منهو الاجى أوعزاك من طقك البين

يالردت عني اتروح خليلي صبرين
واحد يصبر الروح والثاني للعـــين

شامت وكًًف عل الباب حاير شـــــكًًـلـه
أرتجي إعله المكســــور لو دمعي إهله

إرتجي إعله المكسـور حيل إردس الكًًاع
بالك تذل جدام شماتك إبســــــــــــــــــاع

اقعد ابتالي الليل وادعي ابصلاتي
ياربي بعد افلان شلي ابحيــــــاتي

ارد انصحك يافلان هذي النصيحه
عوف اتلف وادور حب الصريحه

احمل وفى والطيب والرقه كلــــــها
أوكل مشكله ابهالكون بس يمه حلها

ريته اليطيح ابضيج كون اخوه وياه
اوكل مايقول احاه كلها اتلــــــــــقاه

إلي تطلبه ايصير بس أمر انــته
أو لاتعب الجلمات أشرلي سكته

الرد
أطلب وقلك صار تامرني أنــــته
عمري من أول يوم بسمك رهنته

ميت والمعزيات يبجن عيـــــاره
طفن على التابوت راس الجكاره

الدهر شل يمناي شل يسرتي الــــــبين
جابيش اصبر الروح بيش امسح العين

متعجب المهموم يشرب جكاره
قلبي ابكثر مانوح تجويني ناره

من كثر حر الضلع أحترقن هدومي
وتسعين ناقة وجمل ماشالن همومي

هاك ابره هاك الخيط خويه ارد اكلفك
امقطع الدلال شله على عرفـــــــــــك

هاك ابره هاك الخيط كوم امشي عني
لو بيه اشل جروح جاشل هـــــــــذني

حسره الك بالدلال ظلت لما امـــوت
مادرت حقها الناس صوابي بسكوت

حسره وحدرها احاه وبقلبي لــوعه
كلما اضوق الزاد اركض وازوعه
جاوبني تدري الوقت بوقاته سكتــاوي
موش أنته نبعة عشق بالحسن متغـاوي

مدري شجاني الليله حنـيت
واتقلب أعلى النار فريــت

خـل روحـــك إبعِـز دوم بالك تذلها
ولا تطلب الحاجــات إلاٌ من أهلهــا

غصبن عليـه الروح آنـه الأذلهـا
محتاج والحاجات ماهـمـه أهلهـا

أنوح أولاهلي يدرون بيه
تموت الروح والعله خفيه

بسك ولك يالبين دقاتك أويـــاي
أدقني وسط الضيق وتشمت اعداي

الاخو وقت الضيج ماينكر أخـته
أوحان الوقت هاليوم ياخويا وقته

لاتسأل إعله الحال خلـيها سكته
تسأل على المكتول والكاتل إنته

شحجي وتريد الناس من عندي أحجي
دمعتي إبطرف العين بس أحجي أبجي

أقبل صباح اليوم ابدنيتي هـــاي
شلت الردا أوفزيت لن عيني بهواي

لانفع نصحي أوياك لانفع لــــومي
أنا ادري مامحضوض راح ابقى دومي

حقي من أحامي إعليـــج ياشجرة التيـن
ماي الربيـــتي إعليه من دمعة العيــن

لاواشي لانمام يبعدني عــنك
بس النجف يهواي ياخذني منك

تيزاب أحط بالعين واعميها بجـــفاك
خافن تصد للغير أوتنسى المضى أوياك

الدهر بس وياي راكب إحصانــــه
ويكًًــلي وين إتروح جدامـك آنـه

بالـك تمر بالدار عنها إشمر إبعيـد
دار العزيز هواي نوح وبجي إتريـد

عمداً أمر بالدار والنـوح أزيــــده
وأسمع صداهـا إيكًـول راح التريـده

عمداً أمر بالدار وأشبع مغمــه
وابجي بجي المفطوم ومفارك أمه

الدنيه للتهواه ترقص امفرعــه
والماتريده بنوح لو خلص دمعه

متعجب بدنياك جرحتك مــره
منخل اقليبي صار بيه العمه يقره

أرد أسـأل العشاك ليش آنه مشتــاك
نايم إبحضن إهـواي واشكي من الفراك

ميت والمعزيــات موش أمهـاته
مايبجـَن إعله المات يبجـن شماته

ميت والمعزيات يبجن عيـــــاره
ويرمـن على التابوت كَطف الجكًاره

ميت والمعزيات مابيهن أمــــه
وحده التشـتم بيه وحـده التـغمه

همــك .. وهم الناس .. وهم هم الأيـام
وفوكــاها هم العين ماتقبل إتنـــــام

همك وهم الناس وهم الله فــــــوكـه
صاحت عليــه الناس جن عندي بوكــه

متعجـب المهمــوم يشرب جكــاره
كًًلبي بكثر ما نــوح تجويـني ناره

همــك .. وهم الناس وهم هم الهموم
لو وحده منهن بيــك ماتكًًدر إتكـوم

طقني أو طحت للقاع قلت اكتفى البين
طقاني مره النور أوخر ضوى العـين

الرد
كل دقش أعلى الراس بسش يدنياي
مطقوقه باليافوخ ماشوفن احــداي

اصغير وخاف إعليك من شـــدة الاه
اشنون احمل أنا افراق واصبر بلا اياه

الرد
اصغير وخاف اعليك من حضن امك
ابقلبي وقول ابعيد جاوين اضمــك
تاري البنات اشكال مثل الجفافـي
وحده التضل للغير أواحده التوافي

أشرب واريـد أنساك واسكر واذكـرك
مو بالعظم ويطيــب بالكًلب كســرك

كل مرض لامابيك ياخويا محسود
اوحق اليحسدك داخ بعيونك السود

منك سمعت الاه كثرت جراحـي
وشبيدي خويا اعليك قصوا جناحي

وين الكفن ينباع يالشايل الخـــــام
عدله أرد أطمها الروح من ظيم الأيـام

لم جرحك أو للبيت قوم امشي ويـاي
وامشي ابدلال أرجوك لاتشمت اعداي

كَـالولي ولفـك راح كَلتلهم أبعد
كَـالو صعد للغيـم كَلتلهم أصعد

من كثر حر الضلع أحترقن هدومي
وتسعين ناقة وجمل ماشالن همومي

شحجي شقول للناس من همي شحجي
مليان بالحسرات بس احجي ابجــي

اجلد ابممشاي ناحل ترانــــي
خوفي من الشمات مو من زماني

أتجدب علي واتقول , اسمع كلامك
وانا ابطيب القلب امشي ابمرامــك

عفيه كَلب مَيليــن من يسمـع إبجـاي
لو من صخر هم جـان لان وغده مـاي

شامت وقف بالباب حاير شقـــله
حيل ابجي عالمكسور أو دمعي هله

الرد
حيل ابجي عالمكسور حيل ارفس القاع
اولا تنكسر جدام شماتك ابســــاع

شلونـك.. شلون الدار .. وشلون الأحباب
أذكر جرح بجلاك خبــرني ما طــاب

مر والمراره البيك محد حواهـــا
أو روحي اشتهت ملقاك عفيه اشقواها

الرد
روحي اشتهت ملقاك رغم المراره
أو بجفوفك الدلال شيطفي نــاره

متعني للعبـاس أشكي الهظايـــم
الواشي قبلي بيـوم بالحظره نايـم

متعني للعباس أبجي إبحظرتـه
والينكسـر بهواه شنهو جبرتـه

قلنا دلال إيجوز وتحمليـــــنا
أو ماندري بيه مغرور يلعب علينا

الرد
ألعب عليك إشلون وانت أعز مني
أو صدقني مو مغرور يالتتهمـني

بطلت ممشى الحيل قمت أمشي تاته
أومثل اليقودن بيه أمه أو خـواتـه

لو ممشى عشر اسنين أمشيها واكثر
ماأتعب وما جوز من حب الأسمـر

حسبالي خوش وليد وسلمتك الروح
طلعت عقرب تلدغني وتريد اتروح