اتهمنى

اتهمنى

بقلمى

محمد صابر

اتهمنى
اتهمنى فى اى حاجه الا حاجه اوعى فيها تتهمنى
اتهامى بالخيانه اكبر اهانه وانت ليه دايما ظالمنى
كله الا الشك فيا . الحاجه ديا . عمرها ماكانت فى طبعى
لا خونت ولا عمرى هخونك . ولو مابطلتش ظنونك . هعرفك ايه هوه وضعى
هنفجر وهقول كفايه .. وهتبقى دى نهايتك معايه
ولو ماقدرتش هوايا .. قلبك هيندم عشان خسرنى
اتهمنى فى اى حاجه الا حاجه اوعى فيها تتهمنى
اتهامى بالخيانه اكبر اهانه وانت ليه دايما ظالمنى

بعدت عن كل الصحاب .. وبعدت عن كل المعارف
عيشتنى فى سنين عذاب .. بحجه انك عليا خايف
وبعدت عن كل القرايب .. لو كنت موجود ولا غايب
قلبى بيك مشغول ودايب .. وانت برضه بتتهمنى

اتهمنى فى اى حاجه الا حاجه اوعى فيها تتهمنى
اتهامى بالخيانه اكبر اهانه وانت ليه دايما ظالمنى
انت مش واثق فى حبى .. ولا مش واثق فى نفسك
ده انت لو فتحت قلبى .. هتبص فيه تلاقى نفسك
انت شاكك ليه صارحنى .. الشك فيا ده جارحنى
انت تجرح واقول سامحنى .. وانت برضه بتتهمنى

اتهمنى فى اى حاجه الا حاجه اوعى فيها تتهمنى
اتهامى بالخيانه اكبر اهانه وانت ليه دايما ظالمنى
شاعر الحب / محمد صابر