مش هسلم عليك

مش هسلم عليك

بقلمى 

محمد صابر

مش هسلم عليك
عايز تنسانى انسانى .. وانا برضه اكيد هنساك
واوعى فى يوم ترجع تانى .. وتقول ان اننا وحشاك
مش هنده عليك .. مش هترجى فيك
مش هقول يا خساره على سنين حبى ليك
ماتمدش اديك .. مش هسلم عليك
عشان مش عايزه حاجه تانى تحسسنى بيك

روح وماتتعبش نفسك .. بكلام مالوش لزوم
روح للى مناها تاخدك .. منى وعلى العموم
من قلبى انا مسامحاك .. روح للى مستنياك
وياريت تتهنى بيها وتلاقى حب هناك
ماتداريش عنيك .. انا مش هندم عليك
انا من دلوقت حالا حاسه انى مش فاكراك