لما كنتى بين اديا

لما كنتى بين اديا

بقلمى 

محمد صابر

 

لما كنتى بين اديا قولت قلبى قال ع البعد يقدر
كنا نتخاصم ونرجع مشتاقين لبعض اكتر
واما كنتى تغيبى ليله .. السعات بتكون طويله
واخترعلك اى حيله .. عشان تجيلى وابطل اسهر

كنت ديما احس نفسى مركبه فى بحر الحياه
عايمه لكن خايفه تغرق وانتى كنتى طوق نجاه
مركبى ع البر غرقت .. لما روحك عنى بعدت
والدموع فى عنيا فضلت .. نازله تصرخ الف اه

مره قولت ابعد واسيبك عشان اشوف غلوتى ايه
حضنى كنتى هتشتقيلو وقلبى تيجى تحضنيه
بعدنا ونسينا الوعود .. توهنا ونسينا نعود
واتمحى شىء م الوجود .. حب كنا عيشنا فيه