يعنى خلاص

يعنى خلاص
بقلمى 

محمد صابر

يعنى خلاص
هوه انتى جايه تسمعينى
اخر كلام بينك وبينى
يعنى انتى جايه تودعينى
يعنى خلاص . دى النهايه وهنفترق
يعنى خلاص . مركب هوانا غرق
هتسيبى قلبى بيتحرق . والفرحه منى تتسرق
وعن هواكى هتبعدينى
يعنى خلاص . دى النهايه وهنفترق
يعنى خلاص . مركب هوانا غرق
امشى . ولا اقولك استنى حبه
يمكن تعود بنا المحبه . ده انا ودى منك مااتحرمشى
امشى . ولا اقولك فهمينى
ازاى قدرتى تجرحينى . وتسهرينى الليل ماانمشى
من امتى واحنا كنا بنجرح بعضنا
ازاى يهون عليكى تنهى حبنا
ازاى قدرتى تقولى ان انتى نسيتينى
يعنى خلاص . دى النهايه وهنفترق
يعنى خلاص . مركب هوانا غرق
قلبى . خايف من اللى بتقوليه
حزين عشانك هتسيبيه . ماانتى غرامى وانتى حبى
قلبى . لو غيبتى عنه هيعمل ايه
بعدك ألم يصعب عليه . خليكى طول العمر جنبى
ازاى عليا قلبك اسى
ازاى هوانا يتنسى
وازاى قدرتى تقولى انك هتسيبينى
يعنى خلاص . دى النهايه وهنفترق
يعنى خلاص . مركب هوانا غرق