مستخسرك

مدونه محمد صابر

مستخسرك

بقلمى

محمد صابر

 

 

فى الضياع مستخسرك..والعناد هيدمرك
كنت خايف تبقى شىء..منتهى ومرمى فى طريق
اخره ليل اسود غميق..كنت خايف اخسرك
 

 صدقينى لما اقولك..عمرى انا ما قصدت اذلك
الحكايه انى لقيتك..تايهه حبيت انى ادلك
خفت م الدنيا عليكى..كن خايف تكسرك
 

 لو رفضتى تعذرينى..حقك انك تكرهينى
المهم انك رجعتى..وواقفه اهوه وبتكلمينى
مش مهم تشكرينى..المهم توعدينى
تفضلى زى اما سيبتك..ماتضعيش وتضيعينى
اوعى تمشى فى سكه ممكن..يا حبيبتى تغيرك
 

 كنتى رافضه تسمعينى..كنتى رافضه تفهمينى
كنتى صعبانه عليا..من اللى شفتك فيه بعينى
مش هقولك اشترينى..يعنى لو عايزه تبعينى
القرار فى اديكى انتى..افضلى او ودعينى
اللى انتى شايفاه اعمليه..انا عمرى ما اقدر اجبرك