اتعلمت
بقلمى
محمد صابر
انا اتعلمت علشانك اقول مواويل..وغنيتلك حروف اسمك بلحن جميل
واغنى واقول هتسمعلى اكيد موال..وتعرف حبى وانا بصرخ يا عينى يا ليل
رميت نفسى فى وسط النار..واتعلمت اقول اشعار
غلبت بشعرى ليكى نزار..والابنودى فى المقادير
لقيت الوصف مش كافى..يادوب بكلام
رسمت جمالك الصافى..وبقيت رسام
وصفت فى رسمى نظراتك..كلامك كله وسكاتك
تعالى وشوفى لوحاتك..هتحسى انى فيا غرام
وعشان احس بوجودك..بقيت نحات
افصل من الحجر عودك..واغازله سعات
وقعت فى حب تمثالك..وانا مش جاى على بالك
ولسه كتير علشانك..هتعلم حجات وحجات
0 التعليقات:
إرسال تعليق