كان صعب عليا

كان صعب عليا

بقلمى

 محمد صابر

اه كان صعب عليا..تعرف غيرى عليا
قولت حياتى خلصت..واتعذبت شويه
شوف الكون ده صغير..والحال فيه بيتغير
راجع هنا متحير..واديك بتحايل فيا
من غير ما تعيد وتزيد..زى ما كنت بعيد
روح للى انت اخترته..وابداء عمر جديد
وبلاش تتحجج بيا
راجع بتقول قلبك..مش قادر ينسانى
جاى وعايزنى اسامحك..وارجعلك من تانى
انت اخترت وداعى..وانا تحملت ضياعى
راجع من غير داعى..تتعشم فى حنانى
مش عايزك فى مكانى
انت اخترت طريقك..وكان لازم تتحمل
جاى بتمدلى ايدك..بتقول يلا نكمل
يوم ما جريت على غيرى..شيلتك من تفكيرى
قابلت وليفى وطيرى..يارتنى عرفته الاول
بلاشى تحكيلى وتطول