احكيلك حكايه

احكيلك حكايه

بقلمى

محمد صابر

 

 حبيبتى
احكيلك حكايه وقولى رايك فيها
بس من البدايه حسى ايه معانيها
واحد حب واحده . شافها مره واحده
ونصيبه جه فى واحده . عمره ما حس بيها
حبيبتى
اكمل الحكايه
ولا انتى فهمتيها
هقولك ايه بقيتها . وياريتك تسمعينى
واما اوصل لنهايتها . ياريتك تعذرينى
اول مره شافها . كان غيره خطفها
سبقه وخد حبيبته . ومابقاش ينفع ليها
وعشان ما كنش ينفع . يطلع واحد بيخدع
ماقدرش فى وعده يرجع . وعمل نفسه ناسيها
وصاحبنا ده مصيبته . قدره تكون حبيبته
جنبه وزى اخته . وتملى يشوف عنيها
حبيبتى
اكمل الحكايه
ولا انتى فهمتيها
هقولك ايه بقيتها . وياريتك تسمعينى
واما اوصل لنهايتها . ياريتك تعذرينى
واما يحكى معاها . يحسها فهماه
يتمنى يعيش معاها . حياته بس اه
م اللى انكتب عليه . تفضل قصاد عنيه
يحكى وتحس بيه . وهوه يدارى فى هواه
ومره فى وسط الكلام . قال لو كنتى ليا
ردت قالت حرام . انك ماتكونش ليا
فهماك انا من عنيك . وفاهمنى من عنيا
تسكت احس بيك . واسكت تحس بيا
ده اللى انكتب عليك . واللى انكتب عليا
فكره قربى ليك . صعبه بسببها هيه
حبيبتى
اكمل الحكايه
ولا انتى فهمتيها
هقولك ايه بقيتها . وياريتك تسمعينى
واما اوصل لنهايتها . ياريتك تعذرينى
حس بحجات كتير . مافهمش ايه معانيها
معقول بتحلم بيه وعايزاه يعيش معاها
يقولها بحبك . يقولها استنى
عايز اعيش جنبك . عايزك هنا جنبى
ازاى وكل كلامها ما كنش كلام صريح
لو قالها بحبك هيعيش حياته جريح
حبيبتى
اكمل الحكايه
ولا انتى فهمتيها
هيه دى النهايه . حكيتها من البدايه
عايز رايك معايه . بطلها يعمل ايه
يفضل يدارى حبه . ويكتم جوه قلبه
قوليلى ده يبقى ذنبه . واحساسه ده يبقى ايه
الحب الحقيقى فى قلبه . حب محرم عليه
معقول يكون اعجاب . او وهم او سراب
او هوه غاوى عذاب . نصيحتك تبقى ايه