مقارنة بسيطة بين "مواقف" ابو اسماعيل والبرادعى

دى مقارنة بسيطة بين "مواقف" ابو اسماعيل والبرادعى .. لفيت وطرت عشان اجمعهلكم من فديوهات ابو اسماعيل وتويتات البوب الكبير :

 

 

 
1- ابو اسماعيل قبل الثورة كان بيهاجم نظام مبارك وبيدعوا للمظاهرات والاعتصامات ولكن مكنش حد يعرفه لانه مكنش مشهور اعلامياً

البرادعى بدأ يهاجم نظام مبارك من سنة 2008 فقط مع انه قبلها بسنتين كان بيطاطى راسه لمبارك عشان يلبسه قلادة النيل وبيقول عليه انه راجل متواضع وبيؤدى عمله

2- ابو اسماعيل اول ما بدأت الثورة نزل وسط الناس فى المظاهرات هو وزوجته واولاده عشان يطالب بالتغيير

البرادعى اول ما بدأت الثورة كان مسافر النمسا وخاف احسن الناس تتكسف تغير قدامه ولا حاجة .. ومانزلش غير يوم 28 يناير

3- ابو اسماعيل كان معتصم فى التحرير زيه زى اى واحد طول ال 18 يوم بتوع الثورة

البرادعى نزل يوم 28 يناير فقط ولما رشوه بالمية مانزلش تانى ونسى ان فيه شباب معتصمين كانوا بيترشوا بالرصاص فى الميدان

4- ابو اسماعيل بعد اعلان التنحى نصح الثوار ما يسيبوش الميدان وقال ان ده انقلاب عسكرى وان العسكر ذئاب وثعالب

البرادعى دعى الى مد الحكم العسكرى والفترة الانتقالية وبعدين اتضحله انه يسقط يسقط حكم العسكر

5- ابو اسماعيل دعى الى التصويت بنعم فى الاستفتاء عشان الشعب يملك سلطته التشريعية والتنفيذية فى خلال 6 شهور زى ما بيقول الاعلان الدستورى وعشان الدستور يتعمل من ناس انتخبهم الشعب

البرادعى دعى الى التصويت بلا فى الاستفتاء عشان نمد الفترة الانتقالية سنتين ونعمل الدستور تحت حكم العسكر من ناس غير منتخبين من الشعب

6- ابو اسماعيل بعد الاستفتاء دعى الى الانتخابات المبكرة عشان ترجع البلد تانى ملك الشعب

البرادعى بعد الاستفتاء قالك الدستور اولا عشان نعمل دستور تحت حكم العسكر

7- ابو اسماعيل حارب بكل قوته عشان مايكونش للجيش دور فى الحياة السياسية ويرجع لثكناته

البرادعى بيطالب بوضع مادة فى الدستور تتيح للجيش الانتقالاب العسكرى على ارادة الشعب بحجة حماية الدولة المدنية

8- ابو اسماعيل هو اللى دعى لجمعة "تسليم السلطة" يوم 18-11 وكان نتيجيتها اعلان العسكر عن تحديد موعد تسليم السلطة فى يونيو 2012 بدلا من 2013

البرادعى كان مؤيد لمد الفترة الانتقالية بحجة ان ان فيه احزاب لسة ما اسستش نفسها

9- ابو اسماعيل كان قاعد فى الميدان على الرصيف ايام احداث محمد محمود

البرادعى كان قاعد فى التكييف على تويتر ولم ينزل الميدان الا بعد انتهاء الاحداث بعدها باسبوع

10- ابو اسماعيل ماقالش على الانتخابات انها لا تمثل الشعب

البرادعى : الانتخابات لا تمثل الشعب يا منى

11- ابو اسماعيل كان متواجد فى معظم الفاعليات الثورية فى الميدان والقى كذا خطاب من على المنصة

البرادعى عمرنا ما شوفناه فى يوم على المنصة فى اى ملوينية

12- ابو اسماعيل رغم استبعاده ظلم من الانتخابات الا انه لم يقاطعها

البرادعى قاطع الانتخابات ودعى الى مقاطعتها

13- ابو اسماعيل معتصم الان فى الميدان لرفض الاعلان الدستورى المكمل ورفض هيمنة العسكر ودخولهم فى الحياة السياسية

البرادعى قاعد على تويتر بيقترح عمل اعلان دستورى مكمل تانى وعمل لجنة تأسيسية (متوازنة) من ناس غير منتخبة وتسليم السلطة التشريعية لهذه اللجنة بالاضافه للدعوة الى عمل مجلس دفاع وطنى

يا ترى بعد كل الكلام ده مين اللى فعلا عايز البلد ترجع لاهلها .. ومين اللى عايز العسكر يعملوا انقلاب عسكرى على ارادة اهلها ؟

منقول