دموع عينى
بقلمى
محمد صابر
دموع عينى بكيتهالك .. فى وقت ما كان ضعيف حالك
بتجرحنى بأفعالك .. وتجرح قلبى جرح كبير
ماسيبتكش فى سنين جرح .. بتعرف غيرى انا فى فرحك
روح قلبى انا مسامحك .. ومتشكر على التقدير
على فكره يكون علمك
انا اقدر اردلك ظلمك
لكن قلبى انا طيب .. مش هتفيده احزانك
انا مش هنتقم منك
هسيب نفسى اضيع منك
هتحتاج قلبى انا قريب .. لما تلاقى غيرى خانك
انا عارفك اكيد راجع
فى يوم ما تتملى مواجع
هتيجى تبكى وتقولى .. انا محتاج اكون وياك
وساعتها هكون دايب
فى قلب معايا مش غايب
وهتدوق اللى انا دوقته .. وهتشوف اللى شفته معاك
0 التعليقات:
إرسال تعليق