ما تسلميش عليا
بقلمى
محمد صابر
ماتسلميش عليا..ماتبصليش فى عنيا
ماتتكلميش..وماتضحكيش..خلينى اعيش
راضى بالمكتوب عليا
ماتقربيش..وماتبينيش..ان انتى قادره تحسى بيا
ماتخلنيش..اقبل اعيش..حب عارفه حرام عليا
شبهى انتى فى كل حاجه..شبهى انتى فى كل شىء
بتتولد فى قلوبنا حاجه..وبيترسم لينا طريق
لو مشينا هننجرح..وناس معانا هتنجرح
ومين هيفهم ان اللى بينا احساس بريء
كل حاجه اخترها انتى بتختاريها
كل حاجه اشوفها حلوه انتى تشوفيها
حتى احلامى بحسك بتحلميها
شبهى حتى فى الكلام..شبهى حتى فى الطباع
شبهى حتى فى الغرام..شبهى حتى فى الوداع
شبهى انتى فى كل شىء
ومين هيفهم ان اللى بينا احساس بريء
سعات بحس ان انتى عارفه ..وسعات بحسك ماتعرفيش
سعات بحس ان انتى خايفه..وسعات بحسك مابتخافيش
وسعات بحس ان اللى بنا وهم انا عايشه فى خيالى
وان احساسك ده صدفه غصب عنك ماتقصديش
ماتتكلميش..وماتضحكيش..خلينى اعيش
راضى بالمكتوب عليا
ماتقربيش..وماتبينيش..ان انتى قادره تحسى بيا
ماتخلنيش..اقبل اعيش..حب عارفه حرام عليا
شبهى انتى فى كل حاجه..شبهى انتى فى كل شىء
بتتولد فى قلوبنا حاجه..وبيترسم لينا طريق
لو مشينا هننجرح..وناس معانا هتنجرح
ومين هيفهم ان اللى بينا احساس بريء
كل حاجه اخترها انتى بتختاريها
كل حاجه اشوفها حلوه انتى تشوفيها
حتى احلامى بحسك بتحلميها
شبهى حتى فى الكلام..شبهى حتى فى الطباع
شبهى حتى فى الغرام..شبهى حتى فى الوداع
شبهى انتى فى كل شىء
ومين هيفهم ان اللى بينا احساس بريء
سعات بحس ان انتى عارفه ..وسعات بحسك ماتعرفيش
سعات بحس ان انتى خايفه..وسعات بحسك مابتخافيش
وسعات بحس ان اللى بنا وهم انا عايشه فى خيالى
وان احساسك ده صدفه غصب عنك ماتقصديش
0 التعليقات:
إرسال تعليق