متحمله
بقلمى
محمد صابر
متحمله
ما اعرفش ليه متحمله
معايه راضيه بالقليل ومكمله
اجرح واخون , اظلم واكون , فاتح سجون
الشك فيها احبسك
وانتى لا شكيتى ولا , حسيتى يوم بالمشكله
يمكن . يمكن تكونى ما حستيش
يمكن . يمكن تكونى حاسه بس ما بتقوليش
اد ايه انتى عجيبه , اد ايه انتى غريبه
اد ايه جواكى طيبه
عارفه انى فى كل يوم مع واحده شكل , ومكمله
ومتحمله
وماسبتنيش
كرهت نفسى من حنانك
ابقى انا بكدب عليكى
وتسمعى كدبى بودانك
الاقى نفسى بين اديكى
قلبى يبكى لانه خانك
تشوفينى ببكى , عنيكى تبكى
وتقوليلى ابكى بدالك
تختارى تبكى انتى بعيونك
وتشوفى عينى ما بتبكيش
يااااااااااااااااااااااااااه
انتى ايه . ؟ محتار فى امرك
بعد ظلمى وجرحى ليكى
ازاى رضيتى اكون فى حضنك
ازاى قدرتى تحسسينى انك امى وانى ابنك
لما اغلط . تحضنينى , تنصحينى
فى الكلام تريحينى
مهما كان جواكى نار
لما تيجى وتلمسينى
احس ان الكون عمار
انسى تعبى والانكسار
واحس انى لما اخونك
انى فاقد للوفاء
وانى اغبى الاغبياء
وانى حمار
بقلمى
محمد صابر
0 التعليقات:
إرسال تعليق